पत्रकारिताबाट राजनीतिमा 'हामफालेर' संचारमन्त्रीसमेत 'पड्काइसकेका' गोकुल बाँस्कोटा 'प्रस्ट' र 'हक्की' मानिन्छन् । नेपाल कम्युनिस्ट पार्टी (एमाले)का अध्यक्ष केपी शर्मा ओलीको 'आशीर्वाद' पाउने अत्यन्त निकटका 'केटा'मा पर्छन् बाँस्कोटा ।
उनका निकटहरूका अनुसार बाँस्कोटा मात्र ओलीका यस्ता 'नजिकका' प्यारा हुन्, जसले ओलीसँग घरमा छोराछोरीले बाआमालाई 'दङ्ग्याएको' शैलीमा ओलीको अनुहार नहेरी ओलीलाई मज्जाले व्यंग्य गरेर 'दनक' दिन सक्छन् । र, ओली बाँस्कोटाको 'दनक'लाई बच्चाले रिसाएर प्याट्ट हानेको सम्झेर मुस्कुराइदिन्छन् ।
हुँदाहुँदा ओलीले बाँस्कोटालाई आफ्नै घर बासका लागि सुम्पिए पनि ।
तर, दुर्भाग्य ! बाँस्कोटालाई '७० करोड' काण्डले बेहाल बनायो । छँदाखाँदाको बाँस्कोटाको मन्त्रीको 'जागिर' त उड्यो नै, ओलीका 'प्रोपोगण्डा मिनिस्टर' अर्थात् 'गोयबल्स'का रूपमा हेरिएका उनको मन्त्री पद चट् भएपछि स्वयं ओलीलाई पनि सकस त भयो नै ।
यी सन्दर्भ गोकुल बाँस्कोटाको सामान्य परिचयात्मक पृष्ठभूमिका लागि मात्र । तर, उनको परिचय यो अत्यन्त सामान्य मात्र हो । यसभन्दा बढी परिचय यहाँ आवश्यक छैन ।
उनै बाँस्कोटा मन्त्री पद खुस्किएपछि र ७० करोड काण्डले 'डामिए'पछि उकुसमुकुस बन्दै आएका छन् । न पार्टीमा, न त सरकारमा चलखेल गर्ने अवस्थामा पुगेपछि सामाजिक संजालमै भए पनि आफ्ना 'दर्शन', 'उपदेश' दिन उनी चुकेका छैनन् । हुँदाहुँदा बाँस्कोटाले राजनीतिमा मात्र नभएर उमेरमा पनि बाबु समानका नेता माधव नेपाललाई राजनीतिक र व्यावहारिक अर्ति र उपदेश 'ठेलिरहेका' छन् ।
उनले गत १ वैशाखयता माधव नेपाललाई अर्ति दिनेदेखि नेपाल खेमाले ओलीविरुद्ध गरिरहेका क्रियाकलापबारे ओलीका पक्षबाट आलोचना पनि गरिरहेका छन् ।
हेरौँ बाँस्कोटाका ट्विट:
एमाले छोडेर एमाले खोज्न हिड्नु र गलखेत बाँझो राखेर झोडा फाँड्न हिड्नु उस्तै हो।ड्यासिङ्ग हान वा टिच,क्लाइमेक्समा जाउ वा कोल्याप्स होऊ।कुरा त यहि नै हो।
१३ वैशाख
समुन्द्रको पीँधभन्दा पनि डीप लभ परेका समलिङ्गीहरुको प्रेमलापबाट कर्णालीमा के के न जन्मियो भन्ठानेको त क्यप्टेनसँग झोक चलेर आफै सवार जहाज प्वाल पार्ने चार मुसा जन्म्या रैछन,त्यो पनि जहाज बचाउन रे।छापामार सँगको लभ आइडियाको कमाल पनि देखियो।
५ वैशाख
कर्णालीमा दलीय प्रकृयाको लक्ष्मणरेखा उल्लङ्घन गरेपछि अब माधब नेपालले पाउदै आएको शङ्काको लाभको राजनीतिक स्थान समाप्त भयो।अब उनको एउटा काम बँकी छ,त्यो हो -माओवादी समर्थन झिक्न रअविस्वास प्रस्ताव एकसाथ राख्न लाउने,त्यस पछि कार्वाही खाने बाटा लाग्ने।बस!!!
४ वैशाख
जबज छोड्न सक्दैनन।नेकपा एमाले दर्ता हुन सक्दैन।सूर्य चिन्ह पाउने होईन।प्रचण्ड मिलेर अध्यक्ष र प्रम भइँदैन।अनि फेरि किन समानान्तर नाटक ? पार्टी चल्ने आधार छैन भने पछिलाई विचार गर है ,तलतल बेतोड उफ्रने चुकेल्याङ्ग हो।
४ वैशाख
मैले ठोकुवासाथ भन्दिएकै थिँए-नेपालका कयौ मिडीया fake news production factory हुन।ती तथ्यद्वारा सत्य पुष्टि गर्न होईन, मालिकका ईच्छा पुरा गर्न कथाहरु बनाउन खप्पिस छन र पाठक प्रतिको जवाफदेहिता बाट मुक्त छन।र,यो नै हाम्रो मौलिक पुर्ण प्रेस स्वतन्त्रता हो।
४ वैशाख
माधब कमरेड, नयाँ वर्षको शुभकामना! तपाईंको पचास वर्षे राजनीतिक यात्रा जोखिममा छ।डीलबाट फर्कनुस र सयौको राजनीतिक जीवनको रक्षा ।किनभने यो समय तपाईं उद्देलीत हुने होईन,घोत्लिने हो।समय भन्छ-छेउको सियो माझैमा कोही बेला।जे गर्दै हुनुहुन्छ बिनास जे सोच्नु हुनेछ सृजनात्मक एकता शुभरात्री!!
१ वैशाख