कोरोना संक्रमणको दोस्रो लहर भयावह र व्यापक बन्दै गएपछि सरकारलाई पुनः लकडाउन गर्न दबाब परिरहेको छ । तर, सरकार पूर्ण रूपमा लकडाउन नगर्ने सोचमा देखिएको छ ।

आइतबार परराष्ट्रमन्त्री प्रदीपकुमार ज्ञवालीले तत्काल देशभर लकडाउन नगर्ने बताएका छन् । लकडाउन कोरोना संक्रमण रोक्ने अन्तिम समाधान नभएको उनको भनाइ थियो ।

अर्थतन्त्र र जनजीविकामा लकडाउनले प्रभाव नपरोस् भन्ने सरकारको चाहना रहेको ज्ञवालीले बताए ।

भर्खरभर्खर अर्थतन्त्र तंग्रिन लागेको हुनाले सकभर अर्थतन्त्रमा र मान्छेको जीविकामा प्रभाव नपरोस् भन्ने सरकारको चाहना भएकाले कोरोनाको अत्यन्त प्रभाव भएमा ठाउँहरूमा आंशिक लकडाउन हुन सक्ने उनले जानकारी दिए ।