लुम्बिनी प्रदेशका मुख्यमन्त्री शंकर पोखरेलविरुद्ध अविश्वास प्रस्ताव दर्ता हुनेबित्तिकै जनता समाजवादी पार्टी (जसपा)का ४ जना सांसददहरू पोखरेल नेतृत्वको सरकारमा सहभागी हुने भएका छन् । सांसदहरू विजय यादव, सन्तोष पाण्डे, कल्पना पाण्डे र सुमन रायमाझी मन्त्री बन्ने भएका हुन् ।

माओवादी केन्द्रका २ जना मन्त्रीले राजीनामा दिएपछि रिक्त रहेका आन्तरिक मामिला तथा कानुन मन्त्रालय र सामाजिक विकास मन्त्रालयमा पोखरेलले नयाँ मन्त्री नियुक्ति गर्न लागेका हुन् । अविश्वासको प्रस्तावपछि माओवादीका आन्तरिक मामिलामन्त्री कुलप्रसाद केसी र सामाजिक विकासमन्त्री सुदर्शन बरालले पदबाट राजीनामा दिएका थिए ।

नवनियुक्त मन्त्रीहरूको सोमबार नै शपथ ग्रहण गराउने तयारी गरिएको बताइएको छ ।