कोरोना संक्रमण पुन: बढिरहेको र नयाँ प्रजातिको भाइरसको संक्रमण हुन थालेको भन्दै सरकारले अघोषित रूपमा 'लकडाउन'को तयारी गरेको देखिएको छ । 

निजी विद्यालयहरूको दबाबमा विद्यालय बन्द गराउन नसकेको सरकारले विद्यार्थीलाई विद्यालय नजान अपिल गरेर घुमाउरो पाराले विद्यालय बन्द गराउन लागेको छ भने कोरोना संक्रमण रिपोर्ट नेगेटिभ आएका व्यक्तिलाई मात्र होटलमा बास दिन होटल व्यवसायीलाई अपिल पनि गरेको छ ।

बिहीबार स्वास्थ्य तथा जनसंख्या मन्त्रालयको स्वास्थ्य आपतकालीन कार्य संचालन केन्द्रले एउटा अपिल जारी गर्दै पीसीआर रिपोर्ट नेगेटिभ आएको अवस्थामा मात्र होटलमा बास दिन आग्रह गरेको हो ।

मन्त्रालयले होटलमा बसोबास गर्ने विदेशी नागरिकको गेष्ट रजिस्ट्रेसन सिस्टम चुस्त, दुरुस्त राख्न पनि अपिल गरेको छ ।