हिजो बाग्लुङमा फागु पूर्णिमा मनाउन जम्मा भएकाहरूबीच झडप हुँदा २ जनाको मृत्यु भएको विषयमा अनुसन्धान गर्न जिल्ला प्रहरी प्रमुख प्रहरी उपरीक्षक कृष्णबहादुर पल्ली मगरको टोली घटनास्थलमा पुगेको छ ।

बडिगाड गाउँपालिका- १० दर्लिङ बल्देधुरीमा आइतबार झडप भएको थियो ।
 

प्रहरीका अनुसार मृतकको शव पोष्टमार्टमका लागि बुर्तिबाङ अस्पतालमा राखिएको छ । घटनामा घाइते भएका ३ जना समान्य उपचारपछि घर फर्किएका छन् । झडपपछि केही युवा बेपत्ता भएको बताइए पनि अनुसन्धानका क्रममा त्यस्तो नपाइएको प्रहरीको भनाइ छ ।

झडपमा निसीखोला गाउँपालिका- ७ का ३६ वर्षीय प्रकाश कुँवर र ३४ वर्षीय दीपक दमाईंको मृत्यु भएको छ ।