संसदीय प्रजातान्त्रिक पद्धतिमाथि चौतर्फी रूपमा आक्रमण भइरहेको बताउँदै यस्तो परिस्थितिबाट निकासका लागि प्रजातान्त्रिक दलहरूबीच आपसी एकता अपरिहार्य रहेको नेपाली कांग्रेसका वरिष्ठ नेता रामचन्द्र पौडेलले बताएका छन् । 

विराटनगर विमानस्थलमा आज सञ्चारकर्मीहरूसंँगको कुुराकानीका क्रममा उनले सङ्घीय लोकतन्त्र र जनताको बलिदानबाट निर्माण गरिएको संविधान जोगाउनु नै अहिले महत्त्वपूर्ण कार्य रहेको उल्लेख गरे । वरिष्ठ नेता पौडेलले वर्तमान अवस्थामा संविधान र लोकतन्त्रलाई भत्काउने विभिन्न किसिमका षड्यन्त्रहरू भइरहेकाले त्यसबाट मुुलुुकलाई जोगाउन सबै दलहरूलाई आग्रह गर्दै सबै राजनीतिक दलबीच आपसी सहमतिमा सरकारको विकल्प खोज्ने गरी छलफल एवं गृहकार्य जारी रहेको जनाए । 

आफ्नो पार्टीबाट वर्तमान सरकारविरुद्ध अविश्वासको प्रस्ताव नल्याउने बताउँदै वरिष्ठ नेता पौडेलले अहिलेको अवस्थामा नेपाली कांग्रेसले सत्तालाई प्राथमिकतामा नराखेको स्पष्ट पारे ।