नेपाल स्टक स्क्चेन्ज (नेप्से)ले अधिकृत स्तरका कर्मचारी माग गरेको छ  । २१ फागुनमा प्रकाशन गरेको विज्ञापनअनुसार महिलातर्फ १ सहायक प्रबन्धक (प्रशासन)  तह ८,  अधिकृत (प्रशासन) तह ६ र खुलातर्फ २ अधिकृत (प्रशासन) र १ अधिकृत (आईटी) माग गरिएको छ । प्रशासन समूहको अधिकृतस्तर (प्रशासन)को पदका लागि कम्तीमा स्नातकोत्तर पास गरेको हुनुपर्नेछ भने अधिकृत (आईटी)को लागि सूचना प्रविधि, कम्युटर इन्जिनियरिङ, कम्प्युटर एप्लिकेसनमा स्नातक उत्तीर्ण गरेको हुनुपर्नेछ ।

सहायक प्रबन्धक पदका लागि दरखास्त दिन अधिकृतस्तरमा लगातार ५ वर्ष सेवा गरेको अनुभव हुनुपर्नेछ । अन्यको पदकाा लागि अनुभव अनिवार्य छैन । इच्छुुक उम्मेदवारले १३ चैतसम्म दरखास्त दिन सक्नेछन् । सो अवधिपश्चात दोब्बर दस्तुर तिरी २० चैतसम्म दरखास्त दिन सकिनेछ ।

हेर्नुहोस् सूचना :