उज्यालो संपद साकोसको सदस्य शिक्षा कार्यक्रम
उज्यालो संपद बचत तथा ऋण सहकारी संस्था लिमिटेडको स्थापना दिवसको अवसरमा आज नगरकोटमा एक दिने सदस्य शिक्षा कार्यक्रम नगरकोटमा सम्पन भएको छ ।
कार्यक्रममा बृहत् रक्तदान गरिनुका साथै सदस्यहरूलाई सहकारी शिक्षा पनि दिएको थियो । करिब ५०० शेयर सदस्य सहभागी कार्यक्रममा ५६ जनाले रक्तदान गरेका थिए । सदस्य शिक्षा कार्यक्रममा सदस्यहरूलाई सहकारीसम्बन्धी जानकारी, सहकारी संस्था संचालनको प्रक्रिया, विधि र यसको आवश्यकताका बारेमा जानकारी दिइएको संस्थाका अध्यक्ष रमेशप्रसाद तिमिल्सिनाले जानकारी दिए ।
उज्यालो संपद बचत तथा ऋण साकोसले सामाजिक उत्तरदायित्वअन्तर्गत वार्षिक रूपमा रक्तदान कार्यक्रमको आयोजना गर्ने गरको छ ।
स्थापना दिवसको अवसरमा आयोजित कार्यक्रममा संस्थाले परिमानित सफ्टवेयर संचालन गरेको जानकारी दिँदै उक्त सफ्टवेयर संचालनमा आएपछि सम्पूर्ण शेयर सदस्यहरूले मोबाइलमार्फत कारोबार गर्न सक्ने जानकारी दिइयो । संस्थाका सचिव रत्न कार्कीका अनुसार हाल संस्थामा २ हजार ४५३ जना सदस्यह छन् । यीमध्ये नियमित मासिक बचत गर्ने १ हजार ३०० सक्रिय बचतकर्ता छन् ।
साविकको उल्यालो बचत तथा ऋण सहकारी संस्था लि, संपद बचत तथा ऋण सहकारी संस्था लिमिटेड र माकलबारी बचत तथा ऋण सहकारी संस्था लिमिटेड संस्था एकीकरणपछिको यो सहकारी बनेको हो ।