Khabarpato logo

         

राजनीति

राजेन्द्र राई बने एकीकृत समाजवादीका प्रदेश १ संसदीय दलका नेता

न्युज कारखाना

न्युज कारखाना

राजेन्द्र राई बने एकीकृत समाजवादीका प्रदेश १ संसदीय दलका नेता

नेकपा (एकीकृत समाजवादी) प्रदेश १ का संसदीय दलका नेता राजेन्द्र राई चयन भएका छन् । काठमाडौंमा बैठक बसेर राईलाई संसदीय दलको नेता चयन गरिएको हो । राई बिरामी भएपछि उपचारका लागि काठमाडौं गएका थिए ।

'अधिकांश माननीयज्यूहरू काठमाडौंमै भएकाले उतै बैठक बसेर राईलाई संसदीय दलको नेता चयन गरेका हौँ । आजै नेकपा (एस)ले भीम आचार्य नेतृत्वको सरकारलाई समर्थन नरहेको पत्र संसद सचिवालयमा पठाउने तयारी भइरहेको छ', प्रदेशसभा सदस्य उपेन्द्र घिमिरेले भने ।

प्रदेश १ मा एकीकृत समाजवादीको पक्षमा १० जना सांसदले सनाखत गरेका थिए । उनीहरूले गरेको सनाखत शुक्रबार निर्वाचन आयोगले सदर गरेको थियो । आयोगले संसद सचिवालयलाई पत्रसमेत पठाइसकेको छ ।

राजेन्द्र राई, राजन राई, उपेन्द्र घिमिरे, सावित्रा रेग्मी, खिनु लङ्वा लिम्बू, गणेश काङ्माङ, कृष्णकुमारी राई, पदमकुमारी गुरुङ, सुनिता चौधरी र सरिता थापाले सनाखत गरेपछि एमालेले प्रदेशसभामा बहुमत गुमाएको थियो । १० जनाले हस्ताक्षर गरेसँगै मुख्यमन्त्री भीम आचार्य अल्पमतमा परिसकेका छन् ।

मुख्यमन्त्री आचार्य भने सदनमा विश्वासको मत प्राप्त गर्ने आशामा छन् । उनी निकट स्रोतका अनुसार पार्टी अलग भए पनि एकीकृत समाजवादीतिर गएका सांसदले आफूलाई सघाउने विश्वास छ ।

प्रदेशसभामा हाल कायम संख्या ९२ छ । एमालेमा ५१ सांसद रहेका थिए । त्यसमध्ये एक जना गुलेफुन खातुन फौजदारी अभियोगमा अदालतले कैद सजाय सुनाएकाले फरार छन् । एमालेकै एक जना सभामुख रहेका छन् । ५१ जना सांसद रहेको एमाले खुम्चिएर ४१ मा झरेको छ ।

'मुख्यमन्त्री आचार्यलाई हामीले राजीनामा दिन सुझाव दिएका छौँ', प्रदेश सांसद घिमिरेले भने, 'उहाँले राजीनामा नदिए विश्वासको मत लिँदा उहाँ आफैँ ठेगान लाग्नुहुन्छ ।'  

प्रदेशसभामा कांग्रेसका २१, माओवादीका १५ र जनता समाजवादीका ३ जना सांसद छन् । यी ३ दलसँग जम्मा ३९ जना सांसद छन् । त्यसमा एकीकृत समाजवादीका १० जना थपिँदा ४९ जना पुगेको छ । यो संख्या गठबन्धन दलमा रहिरहे गठबन्धनको सरकार बन्न पर्याप्त हुनेछ ।

ताजा

सबै

महाकवि देवकोटाको गजल सन्तोषको सङ्गीत र स्वरमा

महाकवि लक्ष्मीप्रसाद देवकोटाले रचना गरेको गजल सङ्गीतकार/गायक सन्तोष श्रेष्ठले बजारमा ल्…

सन्तोषक‍ो संगीत र स्वरमा कृष्णादेवीको गजल

कृष्णादेवी शर्मा श्रेष्ठको राष्ट्रिय भावको गजल म बाँचेर के भो सार्वजनिक भएको छ । विश्व …

मुशायरा जमाए रश्मि, आँचल र अविनाशले

कोही छ जो मलाई खुब तड्पिएको हेर्छ मुस्कानमा अनौठो काँडा बिझेको हेर्छ । सक्दैन रोक्न आ…

मुशायरा तताउँदै रश्मि, आँचल र अविनाश

काठमाडौँ- नेपाल गजल प्रतिष्ठानले हरेक २ महिनामा आयोजना गर्दै आएको 'गजल मुशायरा…

लोकप्रिय

सबै

यो पनि

कोशीमा मुख्यमन्त्रीको विश्वासको मत असंवैधानिक भन्दै एमाले सर्वोच्च गयो

कोशीमा मुख्यमन्त्रीको विश्वासको मत असंवैधानिक भन्दै एमाले सर्वोच्च गयो

कोशीका मुख्यमन्त्री उद्धव थापाले विश्वासको मत लिएको प्रक्रिया असंवैधानिक रहेको भन्दै ने…

सर्वोच्चले बदर गरिदियो कोशीका मुख्यमन्त्री थापाको नियुक्ति

सर्वोच्चले बदर गरिदियो कोशीका मुख्यमन्त्री थापाको नियुक्ति

सर्वोच्च अदालतले कोशी प्रदेश सरकारका मुख्यमन्त्री उद्धव थापाको नियुक्ति बदर गरेको छ । स…

PM Prachanda bats for collective efforts to end ill-practices

PM Prachanda bats for collective efforts to end ill-practices

Prime Minister Pushpa Kamal Dahal 'Prachanda' has said that his governm…

Dr.  Rana complains of media trial in fake Bhutanese refugees scam

Dr. Rana complains of media trial in fake Bhutanese refugees scam

Nepali Congress leader and member of the House of Representatives, Dr Arzu Rana…