समृद्धि फाइनान्सले २८ साउनदेखि एक महिनासम्मका लागि टिकटक भिडियो च्यालेञ्ज संचालनमा ल्याएको छ ।

सहभागी हुन इच्छुकले फाइनान्सको टिकटक पेजमा भएका २ वटा अडियो जिङ्गलमा बनाउनुपर्नेछ ।उ  क्त च्यालेञ्जमा नेपाली नागरिक जो कोही पनि सहभागी हुन सक्नेछन् । च्यालेञ्जमा भाग लिएका व्यक्तिहरूले कम्तीमा ५ जना साथीहरुलाई पेज ट्याग गर्नुपर्ने र यसरी राखिएका भिडीयोहरू समृद्धि फाइनान्सले आफ्नो सोसियल मिडियामा प्रयोग गर्ने जनाएको छ ।

सबैभन्दा अधिक भ्युज हुने उत्कृष्ट ३ जनालाई क्रमश : ५ हजार, ३ हजार र २ हजार रुपैयाँ पुरस्कारको व्यवस्था गरिएको कम्पनीका व्यापार विकास प्रमुख शालिकराम पन्थीले जानकारी दिए । 

नेपाल राष्ट्र बैंकबाट 'ग' वर्गको इजाजतपत्र प्राप्त राष्ट्रियस्तरको समृद्धि फाइनान्सले ५ वटा शाखाहरूमार्फत सेवा प्रवाह गर्दै आइरहेकाे छ । कम्पनीले आईपीएस, कनेक्ट आईपीएस, रेमिट्यान्स, क्लियरिङलगायतका बैंकिङ र मोबाइल बैंकिङ, डेबिट कार्ड, क्यूआर कोड, कर्पोरेट पे जस्ता डिजिटल सुविधाहरू प्रदान गरिरहेको छ । निक्षेपमा आकर्षक ब्याजदर कायम गरेको संस्थाले हायर पर्चेज कर्जा, घर कर्जा, विपन्न वर्ग कर्जा, व्यावसायिक कर्जा, व्यक्तिगत कर्जालगायतका कर्जा प्रवाह गरिरहेको छ ।