विगत १२ बर्षदेखि निरन्तर सत्तामा रहेका इजरायली प्रधानमन्त्री बिन्जामिन नेतान्याहू विपक्षी गठबन्धनको सरकार बनेसँगै पदमुक्त भएका छन् । इजरायली संसदमा तीब्र प्रतिस्पर्धा भएपछि विपक्षी गठबन्धनका उम्मेदवार नेफ्टाली बेनेटले ६० मत प्राप्त गर्दा नेतान्याहुले ५९ मत प्राप्त गरेका थिए ।

नेतान्याहू सबैभन्दा लामो समय इजरायलको प्रधानमन्त्री बन्ने व्यक्ति बनेका छन् । पाँच पटक इजरायलको प्रधानमन्त्री निर्वाचित भएका नेतान्याहु पहिलो पटक १९९६ सालदेखि १९९९ सम्म, र पछि २००९ देखि हालसम्म निरन्तर प्रधानमन्त्रीको कार्यभार सम्हालेका थिए ।

अन्तर्राष्ट्रिय समाचार संस्थाहरूले बेनेट नेतृत्वको नयाँ सरकारले छिमेकी प्यालेस्टाइनलगायतका अन्तर्राष्ट्रिय मुद्दामा उल्लेख्य नीतिगत परिवर्तन नगरी आन्तरिक सुधारमा ध्यान दिने योजना बनाएको बताएका छन् ।