युरोपियन च्याम्पियनसिपको १६औँ संस्करण युरोकप २०२० आज शुक्रबारदेखि सुरु हुँदै छ । अघिल्लो वर्ष हुनुपर्ने उक्त प्रतियोगिता कोरोना महामारीका कारण १ वर्षपछि हुन लागेको हो  ।

यस प्रतियोगितामा कुल २४ टिमले प्रतिस्पर्धा गर्दै छन्, जसमध्ये ९ वटा टिम पूर्वविजेताको हैसियतमा छन् । पूर्वविजेता १० टिममध्ये ग्रिस मात्र यस पटक छनोट हुन सकेन ।

यस पटक ११ वटा देशमा हुन लागेको यस प्रतियोगिताको उद्‌घाटन खेल इटाली र टर्कीबीच रोममा हुनेछ भने फाइनल खेल ११ जुलाईमा लण्डनस्थित बेम्बलीमा हुनेछ ।

सन् २०१६ मा छनोट हुन नसकेका डेनमार्क र नेदरल्याण्ड्सले यस पटक पुनरागमन गरेका छन् ।

विश्लेषकहरूले प्रतियोगितामा सहभागी २४ मध्ये ८ वटा टिमलाई उपाधिको दाबेदारका रूपमा हेरेका छन् । साविक विजेता पोर्चुगल, विश्व विजेता र साविक उपविजेता फ्रान्स, सर्वाधिक ३ पटकको च्याम्पियन जर्मनी र स्पेन अनि विश्व वरीयताको शीर्ष स्थानमा रहेको बेल्जियम प्रमुख दाबेदारका रूपमा रहेका छन् ।

त्यस्तै, इंग्ल्याण्ड, एक पटकको विजेता इटाली र नेदरल्याण्ड्सलाई पनि उपाधिको दाबेदारकै रूपमा हेरिएको छ ।