धनाढ्य बिल गेट्स र उनकी पत्नी मेलिन्डा गेट्सले सम्बन्ध बिच्छेद गर्ने घोषणा गरेका छन् ।

एउटा ट्विटमार्फत माइक्रोसफ्ट कम्पनीका संस्थापक गेट्स दम्पतीले २७ वर्ष लामो वैवाहिक जीवनको अन्त्य गर्दै सम्बन्ध बिच्छेद गर्ने संयुक्त निर्णय सार्वजनिक गरेका हुन् ।

पहिलो पटक सन् सन् १९८७ मा मेलिन्डाले माइक्रोसफ्ट कम्पनीमा जागिर सुरु गर्दा भेट भएका  बिल र मेलिन्डा सन् १९९४ मा वैवाहिक सम्बन्धमा बाँधिएका थिए । उनीहरूका २ छोरीहरू र १ छोरा छन् ।

दुवै मिलेर बिल एण्ड मिलिण्डा गेट्स फाउन्डेसन चलाउँदै आएका छन् । सम्बन्ध बिच्छेद गरे पनि फाउन्डेसनका लागि भने दुवै मिलेर काम गर्ने उनीहरूले जानकारी दिएका छन् ।

गेट्स दम्पतीको सम्बन्ध बिच्छेद विश्वकै दोस्रो उच्च धनाढ्य व्यक्तिको बिच्छेद हो । यसअघि सन् २०१९ मा अमेजनका प्रमुख जेफ बेजोस र उनकी पत्नीले पनि सम्बन्ध बिच्छेद गरेका थिए ।