नेपाल सरकार प्रधानमन्त्री तथा मन्त्रिपरिषद्को कार्यालय राष्ट्रिय अनुसन्धान विभागले १३ चैतमा सूचना प्रकाशन गरी १०४ जना कर्मचारी माग गरेको छ । विभागले २१ अनुसन्धान अधिकृत (रा.प. तृतीय श्रेणी सरह), ३२ अनुसन्धान सहायक (रा.प. अनंकित द्वितीय श्रेणी सरह) र ५१ सहायक सूचक (रा.प. अनंकित चतुर्थ श्रेणी सरह) कर्मचारी माग गरेको हो । योग्य र इच्छुक उम्मेदवारले विभागको वेबसाइटमा गई अनलाइन फारम भर्नुपर्नेछ । दरखास्त दिने अवधि सूचना प्रकाशित भएको मितिले ३० दिन अर्थात् १२ वैैैशाख २०७८ सम्म रहेको छ । दोब्बर दस्तुर तिरी थप ७ दिनभित्र दरखास्त दिन सकिने प्रकाशित सूचनामा उल्लेख गरिएको छ । सूचनामा आवश्यक योग्यता, अनलाइन फर्म भर्ने तरिका, संलग्न गर्नुपर्ने कागजातका विवरणका साथै अन्य जानकारी रहेको छ । हेर्नुहोस् पूरा सूचना: